Arraytxikiko kideok Interneteko tresnak garatzeko orduan metatu dugun esperientzia partekatzeko bilkura egitea erabaki dugu. Hori izango da Web Laborategi honen hegatsetako bat.
Blogs&Beers edo Wikifarra ezagunen antzera, Fish&Txips elkarretaratzeak antolatu ditugu. Fish&Txips kedadaren helburua Euskal Herrian Interneten inguruan lanean gabiltzan edo gai honekiko interesa dugun arrain txikiak zuzenean komunikatzeko aukera eskaintzea da.
Beraz, hilabetero, lehenengo ostegunean, [...]

Arraytxikik bloga erabiliko du informazioa helarazteko tresna nagusi gisa.
Albisteen atalean, orotariko berriak argitaratuko dira. Koktel sinple bezain interesgarria eskaini nahi dugu, eta ondoko hauek izango dira nahasgai nagusiak: Internet, Teknologia eta Euskara.
Hiru gaiak ontzi berberean sartu, astindu, eta irakurleei edari freskagarria eskaini nahi diegu atal honetan.