Laborategi honetako beste kide bat, Gorka Julio, aurkezle gisa aritu zen jardunaldiotan, Gina Tonic-ekin batera.

Bi kategoria nagusi ditu. Batetik, blog-ik onenak sarituko ditu lehiaketa honek eta, bestetik, bideoblog edo vlog onenak. Lehenengo kasuan, hizkuntza bakoitzeko hainbat blog hautatu ditu epaimahaiak, tartean euskarazkoak ere bai. Bideoblog onenari dagokionean, aldiz, ez dago hizkuntzen arteko bereizketarik.

Bada, zazpi vlog onenen artean, Korrika 16-k, ETB3k eta Arraytxiki Web Laborategiko Euskaltube egitasmoak elkarlanean egindako lana hautatu dute. Nominatuta dago, beraz, hiruen artean sortu eta hainbat erabiltzailek elikatu duten esperientzia.

Epaimahaiak hautagaiak erabaki dituen arren, orain erabiltzaileak dira bozkatu behar dutenak. Facebook-eko kontua izatea beharrezkoa da horretarako. Animatzen zarete?

Gainera, sareratutako bideo horiek ETB3k baliatuko ditu egunero-egunero argitaratzen ari diren kroniketan barneratuz.

Hasieran pentsatu genuen ISP horien proxyen arazoa izan zitekeela, eta konpainia ezberdinekin harremanetan jarri ginen arazoa konpondu asmoz.

Azkenean, baina, ohartu ginen Euskaltube ostatu hartuta dagoen zerbitzariaren DNSen zabalpenaren ondorioz izan zitekeela arazoa, eta Cirtex Hosting enpresarekin harremanetan jarri ginen afera konpontzeko. Eta azkar asko ere konpondu zuten. Hau izan zen haien erantzuna:

We apologies for this inconveniences caused to you, as I flushed the firewall on our server this will solve your issue.

Arazoa konpondu ostean Twitterreko erabiltzaile ezberdinekin kontrastatu genuen, eta badirudi orain ez dagoela wegunera sartzeko arazorik. Euskaltubeko erabiltzaile bazara eta oraindik arazoak suertatzen bazaizkizu, jar zaitez gurekin harremanetan artikulu honi erantzunez edo harremanerako formularioa erabiliz.

Eskerrik asko!

Videoweb09 bideoblogintza lantzeko topaketa da, eta bertan hainbat blogari, enpresa, sortzaile eta abar elkartu ziren ezagutza partekatu eta elkarren berri izateko.

Rosa Jimenez Canok aurkezpenen bideoak grabatu zituen, horien artean Euskaltubeko sortzaile eta administratzaile eta Arraytxiki Web Lab-eko kide Haritz Rodriguezek egindakoa.

Hemen behean duzue ikusgai:

EuskalTube from Rosa Jiménez Cano on Vimeo.

Fish&Txips bezala hasi zena (garagardoak eta patatak ez ziren falta izan) azkenean Blogs&Kebabs bilakatu zen.

11 lagun elkartu ginen orotara, nahiz eta afaltzera bederatzi bakarrik geratu. Hurrengoan, Blogs&Txotx bat egiteko proposamena luzatu du inork.

Ostiralean Cadius bilkura egin zen CEMEI-n, eta gonbidatuak izan baginen ere, arrazoi ezberdinengatik Arraytxiki Web Laborategiak ezin izan zuen bertaratu.

Ekitaldia iragartzeko Facebookeko egutegi aplikazioa erabili genuen, eta gertatutakoaren berri eman eta argazkia txertatzeko Arraytxiki Web Lab taldea ere sortu genuen.

Hemendik aurrera, blog honen bitartez ez ezik, beste tresna hori erabiliz ere komunikatuko ditugu datozen Fish&Txips, Blogs&Beers, Blogs&Kebabs, Blogs&Txotx eta bestelakoak

Mementuz orain arteko bideo batzuk ikus ditzakezue kanalean. Eskerrik asko Rubeni eta LostinTVko lantalde guztiari!.

Albiste oso ona da euskara eta euskal kulturarentzat Interneten, eta .eus domeinua lortu arte orain artean bezala lanean jarraitzea da geure eginbeharra. Bizirik eta indartsu dagoen komunitatearen isla izango da .eus, edo ez da deus izango. Beraz, orain denoi atxikimendua agertzea dagokigu eta esan bezala, lanari ekitea.

Durangon ikusi genuen aurkezpen bideoa asko gustatu zaigu, modu bisualean euskararen Interneteko presentziaren zati bat islatzen duelako. Eta jakina, zergatik ez aitortu, bideoan Arraytxiki Web Lab-eko egitasmoak diren hainbat webgune agertzen direlako ere, hala nola, Bildu.net eta Euskaltube.com.

Eskerrik asko eta animo!

Doka, Donostiako Kafe Antzokia map